Velkommen til Drivkraft sitt søknadsskjema for Drivkraftstipendet.
Drivkraft er ei stifting oppretta av Sparebankstiftinga Sogn og Fjordane og SpareBank 1 Sogn og Fjordane. Målet med Drivkraft er å vere ein pådrivar i utviklinga av både nytt og eksisterande næringsliv i regionen. Slik vil vi bidra til at Sogn og Fjordane er ein attraktiv, mangfaldig og levedyktig stad å bu og leve i, også i framtida.
Drivkraftstipendet er for bedrifter med særleg lovande vekst- og omstillingsprosjekt.
Drivkraftstipendet skal bidra til å realisere prosjekt som kan gi:
- Ny verdiskaping
- Nye marknader
- Teknologiske eller kompetansemessige løft
- Positive ringverknader i regionen
Kven kan søke?
Drivkraftstipendet er for bedrifter som vil ta eit større steg vidare. Det kan vere ei nystarta bedrift med vekstpotensial, eller ei etablert bedrift med ei ny satsing eller ei knoppskyting. Bedrifta må ha klar tilknyting til Sogn og Fjordane, og prosjektet må ha eit nedslagsfelt utover den lokale marknaden.
Kven er ikkje i målgruppa?
Vi prioriterer ikkje:
- Rein drift, ordinære investeringar eller vanleg bedriftsutvikling utan nyskapingselement.
- Prosjekt som alt har fått vesentleg offentleg støtte til same formål.
- Prosjekt som ikkje kan vise til verdiskaping, nye arbeidsplassar, kompetansebygging eller andre positive ringverknader i Sogn og Fjordane.
- Prosjekt som berre rettar seg mot kundar eller brukarar i eigen kommune eller nærregion, til dømes lokale arrangement, lokale tenester eller andre tiltak utan marknad eller nedslagsfelt utover nærområdet.
Slik blir søknaden vurdert
Juryen vil legge særleg vekt på følgande:
- Er det nytenkjande? For dykk sjølve, for bransjen og/eller for Sogn og Fjordane.
- Kva vil bli mogleg på grunn av Drivkraft-midlane? Om stipendet avgjer om prosjektet blir noko av, eller gjer at det skjer raskare eller blir større.
- Kva betyr det for Sogn og Fjordane? Verdiskaping, arbeidsplassar og andre ringverknader.
- Kven står bak? Teamet si evne til å gjennomføre.
Drivkraft Boost
Får du Drivkraftstipend, får du automatisk også “Drivkraft Boost”: Minimum ti timar sparring eller rådgiving med ein rådgivar vi koplar deg med. Vi spør nedanfor kva kompetanse du treng. Vi opnar også for å tilby Drivkraft Boost til nokre søkarar som ikkje når heilt opp i kampen om stipenda.
Før du startar
- Felt merkte med * er obligatoriske og må fyllast ut.
- Nokre tekstfelt kan utvidast for betre oversikt. Klikk på symbolet i høgre hjørne for å opne feltet i fullskjerm.
- Du kan lagre søknaden som utkast og arbeide vidare med han fram til fristen går ut. Merk at det alltid er den sist lagra versjonen som er gjeldande.
- Det er mogleg å samarbeide om utfyllinga ved å dele lenkja du får når du lagrar utkastet.