Kvinnheradstiftinga skal først og fremst vera ein langsiktig og stabil eigar i Sparebank 1 Sør-Norge, der «arva» etter Kvinnherad Sparebank blir ivareteken på beste måte slik at den varer lengst mogleg.

Verdiane som stiftinga har hand om er bygde opp over lang tid – i eit nært samspel mellom lokalsamfunn og tidlegare Kvinnherad Sparebank.


Samtidig skal stiftinga vera ein aktiv medspelar i vidareutviklinga av berekraftige, attraktive og omstillingsdyktige lokalsamfunn i Kvinnherad, Stord og Odda.

Dette gjer vi ved å dela ut økonomiske bidrag til ålmennyttige føremål i by og bygd – med mål om å skapa positive ringverknader for både born, unge og vaksne.

Kvinnherdstiftinga har delt ut gåver til lag, organisasjonar og prosjekt som jobbar med idrett, fysisk aktivitet, friluftsliv, kunst, kultur, humanitære tiltak, helseføremål, samfunnsutvikling, sosiale tiltak, kompetanseutvikling og forsking.


Kvinnheradstiftinga har ei langsiktig tilnærming i si verksemd og skal opptre uavhengig, langsiktig og open.

• Det er berre mogeleg å søkja om gåve ved å fylla ut dette skjemaet.
• Det vert anbefalt å sjå igjennom skjema før ein starta utfyllinga, slik at ein har naudsynt informasjon tilgjengeleg.
• Startdatoen for prosjektet kan tidlegast vera 6 veker etter søknadsfristen er utgått.
• Ein kan lagre skjema og fortsette seinare - hugs å klikka på "Lagre".
• Det er mogleg å samarbeida om utfylling av skjemaet ved å dela linken ein får når ein lagrar skjemaet.
• Kopi av søknaden saman med stadfesting på motteken søknad, vert sendt automatisk frå stiftinga til e-postadressen som er oppgjevne i søknadskjemaet.
  
  
  
  Lykkje til med søknaden, me ser fram til å lese den!